תהילים ק

א   מִזְמוֹר לְתוֹדָה    הָרִיעוּ לַיהוָה כָּל-הָאָרֶץ. ב   עִבְדוּ אֶת-יְהוָה בְּשִׂמְחָה    בֹּאוּ לְפָנָיו בִּרְנָנָה. ג   דְּעוּ   כִּי יְהוָה הוּא אֱלֹהִיםהוּא-עָשָׂנוּ ולא (וְלוֹ) אֲנַחְנוּ   עַמּוֹ וְצֹאן מַרְעִיתוֹ. ד   בֹּאוּ שְׁעָרָיו בְּתוֹדָה חֲצֵרֹתָיו בִּתְהִלָּה    הוֹדוּ-לוֹ בָּרְכוּ שְׁמוֹ. ה   כִּי-טוֹב יְהוָה לְעוֹלָם חַסְדּוֹ    וְעַד-דֹּר וָדֹר אֱמוּנָתוֹ.